Emprender insieme
Il program Emprender insieme permetta a giuvenils dals stgalims secundars I e II da far in barat individual vicendaivel da duas emnas durant il temp da scola. Per scolaras e scolars da la Svizra rumantscha è in barat cun il rest da la Svizra pussaivel, quai vul dir cun scolaras e scolars da la Svizra romanda, taliana u tudestga.
As annunziai cun paucs clics!
Registrar
Vulais Vus annunziar Vossa figlia u Voss figl per in barat? U avais Vus tranter 16 e 18 onns e vulais As annunziar sez/sezza?
Alura As registrai e creai in profil.
Registrar
Emprender insieme
Il program Emprender insieme promova il barat tranter giuvenils da lingua taliana u rumantscha che vulan meglierar il talian u il rumantsch. Il pli impurtant en curt:
- chattar partenarias e partenaris da barat da la medema vegliadetgna
- s'approfundar en la lingua e cultura
- far novas amicizias
- far in barat da 2+2 emnas durant il temp da scola
- retrair ina pauschala da viadi da 300 CHF
Dapli infurmaziuns
Termins d'annunzia
| Onn da scola | Termin d'annunzia |
|---|---|
| Onn da scola 2024-2025 (1. semester) | Mai 15, 2024 |
| Onn da scola 2024-2025 (2. semester) | Nov. 15, 2024 |
Agid, jau na vegn betg pli vinavant!
Qua survegnis Vus agid per utilisar la plattafurma.
Dapli infurmaziuns
Davart Movetia
Movetia è l'agentura naziunala per il barat e la mobilitad. Ella promova e sustegna sin plaun naziunal ed internaziunal projects da barat e da mobilitad en ils differents secturs da furmaziun da la scola ed ordaifer la scola. Singuls programs sa drizzan ad instituziuns da furmaziun. Da quels fan part surtut il program per promover barats da classas ed ils programs da perfecziunament a l'exteriur per persunas d'instrucziun ed il persunal da l'administraziun da scolas. Ulteriuras infurmaziuns chattais Vus sin
movetia.ch.
L'agentura Movetia vegn sustegnida dal Secretariat da stadi per furmaziun, retschertga ed innovaziun (SEFRI), da l'Uffizi federal da cultura (UFC), da l'Uffizi federal d'assicuranzas socialas (UFAS) e da la Conferenza svizra da las directuras e dals directurs chantunals da l'educaziun publica (CDEP).
