Protecziun e segirezza da las datas

Protecziun da datas en general

Tut las datas che nus survegnin da Vus tractain nus tenor las prescripziuns da la Lescha federala davart la protecziun da datas (LPD). Cun transmetter a nus Vossas datas ans lubis Vus d'elavurar quellas entaifer la plattafurma match&move e per intents menziunads explicitamain tar la registraziun da las datas u colliads evidentamain cun la transmissiun da Vossas datas.

Segirezza da las datas

Resguardai per plaschair che l'internet è ina rait internaziunala averta. Sche Vus transmettais datas persunalas sur l'internet, faschais Vus quai adina sin atgna ristga.

Las datas persunalas transmessas da Vus vegnan codadas resp. protegidas cun agid da Secure Socket Layer (SSL) cun 128 bits. Malgrà las mesiras tecnicas ed organisatoricas cumplessivas poi capitar che datas van a perder u vegnan tschiffadas/manipuladas da persunas nunautorisadas. match&move prenda mesiras da segirezza tecnicas ed organisatoricas adattadas per evitar quai entaifer ils sistems da match&move. Voss computer sa chatta dentant ordaifer il champ da segirezza che match&move po controllar. Igl è Vossa incumbensa sco utilisadra u utilisader d'As infurmar davart las disposiziuns da segirezza necessarias e da prender las mesiras adattadas. match&move na surpiglia en nagin cas la responsabladad per eventuals donns chaschunads tras la perdita u la manipulaziun da datas.

Secure Socket Layer (SSL)

Secure Socket Layer (SSL) è in protocol per la transmissiun segira da datas en l'internet. La maioritad dals navigaturs sustegna questa procedura. SSL utilisescha la metoda dal Public Key: datas codadas cun ina clav accessibla publicamain pon vegnir decodadas mo cun ina clav privata individuala. La gronda part dals navigaturs mussa cun ina clav u in marschlos, sche la colliaziun è segira u betg.

Cookies

Questa pagina-web utilisescha cookies. Quai èn pitschnas datotecas da texts che vegnan memorisadas sin Voss computer a moda durabla u temporara, cura che Vus visitais questa pagina-web. L'intent dals cookies è surtut d'analisar l'utilisaziun da la pagina-web per far evaluaziuns statisticas e meglieraziuns cuntinuadas.

Ils cookies pudais Vus deactivar dal tuttafatg u parzialmain da tut temp en las configuraziuns da Voss navigatur. Sch'ils cookies èn deactivads, n'As stattan eventualmain betg a disposiziun pli tut las funcziuns da la pagina-web.

Enavos