Agid
Per pudair duvrar tut las funcziuns da la plattafurma, ston las utilisadras avrir in profil e s’annunziar. Suenter la registraziun pon ellas s’annunziar per in barat.
La registraziun vegn fatga u sco geniturs/responsabels per l’educaziun u directamain sco participants: en cas che la persuna ha tranter 16 e 18 onns.
Crear in profil
Registrar uffant(s)
Trametter l’annunzia provisorica
Ils documents «Cundiziuns generalas da participaziun ed infurmaziuns» sco er «decleraziun d’interpretaziun» pon vegnir suttascrits resp. suttascrits. laschar suttascriver e chargiar sin il profil
Trametter l’annunzia definitiva fin ils 15.5 resp. ils 15.11
Rapport da Matching da Movetia ils 30.5 resp. ils 30.11.
Far in barat
Trametter l’enquista da participaziun e chargiar giu la conferma da participaziun.
FAQ
Jau sun ma registrada/registrà, ma n'hai survegnì naginas datas d'access. Tge poss jau far?
Guardai en l'ordinatur da spam da Voss conto dad e-mails. I pudess esser che intgins sistems identifitgeschan l'e-mail d'access sco spam. Sche l'e-mail na sa chatta betg là, pudais Vus As drizzar ad emprenderinsieme@movetia.ch e nus guardain tge ch'è succedì.
Jau sun m'annunziada/m'annunzià, ma hai badà che jau hai fatg in sbagl. Tge poss jau far?
Vus pudais adattar e modifitgar da tut temp Vossas annunzias, danor durant la fasa d'intermediaziun (dals 15-11 fin ils 30-11). As annunziai en Voss conto e cliccai sin «modifitgar las datas», sche Vus vulais adattar Vossa annunzia.
Jau na poss betg modifitgar mias annunzias. Pertge?
Las annunzias na pon betg vegnir modifitgadas tranter il termin d'annunzia e la data d'intermediaziun (dals 15-11 fin ils 30-11). Uschiglio duess quai esser pussaivel da tut temp. Sch'i na funcziuna tuttina betg, pudais Vus As drizzar ad emprenderinsieme@movetia.ch.
Tgi ha invista da mias datas?
A Vossas datas han access las collavuraturas ed ils collavuraturs da Movetia e las responsablas ed ils responsabels da barat chantunals. Tant Movetia sco era las persunas responsablas en ils chantuns vegnan a tractar Vossas datas a moda confidenziala e betg dar vinavant ellas a terzs.
Jau vuless ina conferma da participaziun. Co survegn jau quella?
Per survegnir la conferma da participaziun As supplitgain nus d'emplenir l'enquista da las participantas e dals participants. Uschespert che Vus avais terminà quella, pudais Vus stgargiar la conferma da participaziun. Quella è memorisada en il sistem e po vegnir stgargiada da tut temp danovamain da Voss profil.
Il barat è terminà. Co survegn jau la pauschala da viadi?
Per survegnir la pauschala da viadi As supplitgain nus d'emplenir l'enquista da las participantas e dals participants. En il rom da quella vegnan registradas Vossa datas da banca ed il pajament da la pauschala da viadi vegn activà.
Sche Vus avais ina dumonda che na vegn betg respundida sisum, s’annunziais Vus tar emprenderinsieme@movetia.ch.
